föstudagur, apríl 23, 2004

Horfur í heimsmálum. Einkavæðing ríkisfyrirtækja. Máttur orðsins. Bestu árin. Vináttan.
Hvað má bjóða þér? Mátt orðsins? Gjörðu svo vel.. 1-2-og skrifa!
Já já, síðasta ritgerðarprófið í MR. Mér hefur alltaf þótt mjög gaman í þessum ritgerðarprófum gegnum árin. Ég hef nefnilega haft þann háttinn á þegar ég skrifa venjulegar ritgerðir, þ.e. ekki á prófi, að eyða subbulega miklum tíma í að ákveða uppbyggingu, efnistök og stíl. Þetta ákvörðunarferli getur tekið allt að viku stundum. Þegar ég svo loks sest við skriftir fer mikill tími í að þykjast vera með ritstíflu.. Þess vegna finnst mér mjög gaman að fá bara fimm efni, þurfa að velja mér eitt þeirra á fimm mínútum og neita mér síðan um þann munað sem ritstífla er. Bara, búmm búmm, ákveða efnistök og uppbyggingu. Bimm bimm bimmilimm, skrifi skrif - búið. Skemmtilegt. Var reyndar að lesa uppkastið mitt yfir áðan. Fussogsvei, lokaorðin voru frekar slöpp. Hvass hjör og dumbrautt flauel?

Engin ummæli: